Халык хәтере мәңгелек

Урыссу бистәсендәге Мемориаль комплекста берничә минут элек Хәтер һәм кайгы көненә багышланган митинг тәмамланды.

Чарага килгән Бөек Ватан сугышы ветераннары, тыл хезмәтчәннәре, сугыш чоры балалары, бүгенге буын кешеләре алдында район башкарма комитеты җитәкчесенең беренче урынбасары Зилә Айтыкина, район ветераннар советы рәисе Зоя Глушкава чыгыш тотты. Сугыш кырында һәлак булган миллионлаган корбаннар истәлегенә бер минутлык тынлык игълан ителде. Мәңгелек ут янына район халкы тере чәчәкләр салды.