Татарстан Республикасында Милли мәдәниятләр һәм традицияләр елы кысаларында Үзәк китапханә хезмәткәрләре “Россия пенсионерлары берлеге” җирле оешмасы әгъзалары өчен “Татар халкының гореф-гадәтләре һәм традицияләре” дигән танып-белү сәгате үткәрделәр.

2023 елның 19 гыйнвары, пәнҗешәмбе

Китапханәче Гәрәева Рузилә чарада катнашучыларны татар халкының мәдәнияте: татар милли киемнәре, татар халкының көнкүреше, бәйрәмнәр белән таныштырды. Чара барышында кунаклар викторина сорауларына җавап бирделәр, татар халкының мәкальләрен һәм әйтемнәрен тыңладылар, табышмакларга җаваплар таптылар, “Йөзек салышлы”, “Чүлмәк вату”, “Түбәтәй”, “Әбине киендерәбез” кебек уеннарда катнаштылар. Чара рухи кыйммәтләрне саклау һәм ныгыту, шулай ук милли традицияләрне торгызу максатыннан үткәрелде.